«Oposizioa ahuldu, kriminalizatu eta kikiltzeko estrategia bat da; odolustea»

Tren lasterraren aurkako Mugitu taldeko ordezkari da Julio Villanueva, eta bi isun ezarri dizkiote. Bata, Castejongo Tren Museoaren barruan protesta egiteagatik. Oraindik jakinarazpena jaso ez duen arren, badaki isuna iritsiko dela. Horrekin lotuta, Tuterako gazte batek epailearen aurrean deklaratu du jada, kalteak eragitea egotzita. Bestea, Nafarroako Diputazioan eginiko ekintza batengatik. Bi ekintzaile diputazioko balkoian kateatzen ziren bitartean, zirkulazioa trabatzea leporatu diote 33 laguni, eta 450 euroko isuna jarri. «Oposizioa ahuldu, kriminalizatu eta kikiltzeko estrategia da; odolustea», salatu du.