Gaixoaldian dauden irakasleen ordezkapenak hurrengo egunean bertan egitearen alde ez da agertu Eusko Legebiltzarra. Aralarrek eraman zuen proposamena atzoko osoko bilkurara, baina PSEren eta PPren akordio batekin egin zuen topo. Adierazpen zehaztugabeagoa onartu zuen legebiltzarrak, bi alderdi horien botoekin: Eusko Jaurlaritzari eskatu zioten «ahalik eta azkarren» egiteko ordezkapenak. Gainerako alderdi guztiek aurka bozkatu zuten, ordezkapenak atzeratzeak kalitatea ezbaian jartzen duelakoan.
Aralarren proposamenak dio «bideragarria» dela ordezkapenak gaixoaldia hartu eta hurrengo egunean egitea. EAJk, EAk, EBk eta UPDk bat egin dute eskari horrekin. EAJko eledun Leire Corralasek nabarmendu du ordu asko galtzen direla ikasleak maisu-maistrarik gabe egonda.
PP, irakasleen aurka
PSEren eta PPren gehiengoak ezerezean utzi du eskaria. PSEko kide Vicente Reyesek «arrazionaltasuna» hartu zuen ahotan. PPko eledun Iñaki Oiarzabalek irakasleen aurka egin du,%8k huts egiten dutelakoan lanera. «Batzuek gaixoaldia hartzen dute funtzio sozial bat balitz bezala, lanpostu gehiago sortzeko».
Ordezkapenak lehen egunetik egiteari ezezkoa eman dio Eusko Legebiltzarrak
Aralarren eskaria atzera bota dute PSEk eta PPk; ordezkapenak «ahalik eta azkarren» egitearen aldeko agiria egin dute
Iruzkinak
Ez dago iruzkinik
Ordenatu
