Maiatzaren 25eko hauteskundeen ondoren instituzioetan egin den indar banaketaren inguruko hausnarketa egin du gaur Donostian AUBk. Itziar Lopategik adierazi duenez, AUBk hainbat bilera izan ditu eragile sozial, sindikal eta kulturalekin, eta datozen egunetan ezker abertzalearen hautes elkarteen ilegalizazioa publikoki kritikatu duten alderdiekin bilduko direla iragarri du.
Pedro Albitek, berriz, herrietan gestorak sortzea posible dela nabarmendu zuen, eta EAJ, EA eta EB/IU kontraesanean erori direla gaineratu, "haiek etekin politikoa atera nahian dabiltzan bitartean, herrietako militanteek ez baitute ulertzen nola onartu duten 'putxerazoa' ".
AUBko ordezkariek "beraiei ez zegozkien karguak" hartu ez dituzten hautetsiak goraipatu ditu, Irurtzungo (Nafarroa) UPNko lau ordezkarik egin duten moduan.
Hauteskunde ondorena
Ordezkaritza bermatzeko "irtenbide globalak" eskatu dizkie AUBk EAJ, EA, EB/IU eta Aralarri
Ezker abertzaleak instituzioetan izan beharreko ordezkaritza bermatzeko "irtenbide globalak" abian jartzea eskatu die AUBko bozeramaile Itziar Lopategi eta Pedro Albitek EAJ, EA, EB/IU eta Aralar alderdiei, eta tokian tokiko proposamenetan ez erortzeko eskaera egin. Horrez gain plataformaren ilegalizazioaren aurka agertu diren alderdiekin bilduko direla iragarri dute.
Iruzkinak
Ez dago iruzkinik
Ordenatu
