ORRAZIA EUSKARAZKO HEDABIDEEI

Atzo banatu zuen Iruñeko Zaldiko Maldiko kultur elkarteak Lamien Urrezko Orrazia saria. Aurten, Nafarroako Gobernuak iaz diru laguntzarik gabe utzi zituen euskarazko hedabideek jaso dute garaikurra. Hala, sari banaketan Nafarroako euskarazko hamabost hedabide baino gehiagotako ordezkariek hartu zuten parte, atzo, argazkian ageri denez. Euskarazko hedabideek, urte luzez, egoera ekonomiko larrian egin duten lana goraipatu dute sariarekin.