Osakidetzak hobetu egingo du lagundutako ernalkuntza zerbitzua

Osakidetzak 800.000 euro bideratuko ditu lagundutako ernalkuntza zerbitzua hobetze aldera. Egun Bizkaian bi erietxetan eskaintzen dute zerbitzu hori: Gurutzetan eta Galdakaon. Gipuzkoan, bakarrean, Donostiako Ospitalean, eta Araban ere bakar batean, Txagorritxukoan. Nolanahi ere, in vitro ernalkuntza sistema eta beste tratamendu klase garatuago batzuk soilik Gurutzetakoan eskaintzen dituzte. Kontsulta izateko edo tratamendu bat egiteko itxaronaldiak luzeak direla onartu dute Osakidetzako arduradunek, eta gero eta pertsona gehiagok jotzen dutela, gainera, zerbitzu horietara. Horregatik erabaki dute inbertsioa egitea.