Osasungintza

Osakidetzan hilaren 26 eta 29rako deitutako lanuzteak "atzeratu" egin dituzte

Osakidetzako arduradunekin batzarra egingo dute asteazkenean sindikatuek, eta bilera horren emaitzen zain, hilaren 26 eta 29rako deitu zituzten lanuzteak "egun jakinik gabe atzeratzea" erabaki dute ELA, SATSE eta ESK sindkatu antolatzaileek. Gaur greba eguna dute Araba, Bizkaia eta Gipuzkoako osasun sare publikoan sindikatu horiek deituta. Ostiralean ere lanuztea egin zuten. Gaur ez bezala, LABek eta CCOOk bat egin zuten orduko deialdiarekin.

2006ko maiatzaren 22a

15:10

Entzun 00:00:00 00:00:00

Ondorioz, gaurko grebaren eragina joan den ostiralekoa baino txikiagoa izaten ari da. Hala onartu dute sindikatu antolatzaileek ere, eta jarraipena %60-64koa izaten ari dela zehaztu dute. Osakidetzaren arabera, berriz, %4,47koa izaten ari da.

Datozen ostiral eta astelehenerako ere grebara deitzen zuten ELA, SATSE eta ESK-k. Baina esan bezala, protesta egun horiek "egun jakinik gabe atzeratzea" erabaki dute. Izan ere, asteazkenean batzarrae gingo du Osakidetzeko Mahai Sektorialak, eta administrazioak agertuko duen jarrera ikuskizun dagoenez borondate oneko keinu gisa hartu dute erabaki hori.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak