Ekainaren 20an egingo dute Arabako ikastolen aldeko Araba Euskaraz jaia, Zabal bideak lelopean. Laudio ikastola ari da egitasmoa antolatzen, eta, gaur jakinarazi dutenez, ostiralean aurkeztuko dituzte festaren kanta eta bideoklipa. «Arabako Ikastolen jaiak badu herria martxan jartzeko musika».
Aditzera eman dutenez, Izan Mendiguren arduratu da kantari letra jartzeaz, Egoitz Uriarte musikaz, eta Ainhize Solaun koreografiaz. Hala, hilaren 30ean, «bideoklipa ikusi, koreografia ezagutu eta ekoizpenaren nondik norakoak ezagutzeko aukera egongo da». Laudioko Lamuza parkeko kasinoan egingo dute aurkezpen ekitaldia, 12:00etan.
