Arnaldo Otegi ezker abertzaleko buruzagi eta Sortuko idazkari nagusiak Bakearen etsaiak izenburu duen gutuna argitaratu du haren blogean. Bertan salatu du bakea ez dela "oligarkia finantzarioek" gustuko duten jokalekua, iritzita ETA desegiten ez den bitartean Euskal Herria ezingo dela "mugitu": "Pentsamendu horren atzean dagoena da hobe dela amaierarik ez egotea amaiera txar bat egotea baino".
Gainera, Otegik salatu du "antiterrorismoa negozio politiko eta ekonomikoa" dela eta zenbaitek hori amaitzearen beldur direla: "Arrazoi horregatik estatuak uko egiten dio behin eta berriro luzatutako eskuari... eta hala egiten jarraituko du... ez dezagun gure burua engaina".
