Paco Larrañaga Filipinetako espetxe batean dagoen euskal jatorriko presoak Espainiako kartzela batean zigorra betetzeko baimena jaso du. Espainiak eta Filipinek presoek jatorrizko herrialdean zigorra betetzeko hitzarmenaren ondotik iritsi da erabakia. Akordio hori 2007an sinatu zuten bi herrialdeek.
Larrañagaren familiak "oso pozik eta hunkituta" jaso du presoak Espainiako espetxe batean zigorra betetzeko berria. Ahalik eta azkarren Filipinetako espetxetik ateratzen saiatuko direla jakinarazi dute senitartekoek.
1997an Cebu hirian bi ahizpa bahitu, bortxatu eta erailtzea leporatzen diote Larrañagari eta 2004an heriotza zigorrera kondenatu zuten. Hala ere, 2006ko ekainean heriotza zigorra baliogabetu zuen Filipinetako presidente Gloria Macapagalek, ondorioz heriotzako itxarongelatik atera zuten Larrañaga. Berak errugabea dela dio, erasoen egunean, 600 kilometrotara, Manila hiriburuan, zegoela argudiatuz.
Presoak
Paco Larrañaga Espainiara eramango dute espetxe zigorra betetzeko
Filipinetako kartzela batean ari da zigorra betetzen, 1997an bi ahizpa bahitu, bortxatu eta erahiltzea leporatuta
Iruzkinak
Ez dago iruzkinik
Ordenatu
