PATAKON: DEKLARATZEN AMAITU DUTE

Bilboko Uribarri auzoko Patakon gaztetxearen okupazioan parte hartu zuten lagunek deklaratzen amaitu zuten atzo Bilbon. Guztira, 24 pertsona daude auzipeturik auziaren instrukzio fasean. Iragan asteko astelehenean hasi ziren deklaratzen lehenbizikoak. Beste zenbait okupazio kasutan gertatu bezala, auzia artxibatzea espero dute abokatuek. Hala eskatu zuten auzipetuek atzo goizean, Bilboko epaitegiaren aurrean egindako elkarretaratzean.