Iruñeko peñek gaur aurkeztu dituzte aurtengo sanferminetan izango dituzten pankartak. Iaz beltza izan zen nagusi pankartetan Udalak adierazpen askatasuna urratzen ari zela salatzeko. Protesta hori atzean utzi dute, ordea, eta berriz ere politikarik eta Nafarroako hainbat gertakari irudikatuko dituzte pankartetan.
Berrikuntza bezala, gainera, aurten peñen egitarauan merienda herrikoia antolatu dute. Azaldu dutenez, zezenketetara geroz eta jende gutxiago joaten da eta horiei arratsaldean beste aukera bat emateko antolatu dute. Egunero egingo dute askaria San Frantzisko enparantzan.
Lehen zita larunbata honetan izango dute peñek, izan ere, Peñen Eguna ospatuko baita. Ostiralean izango da lehen ekitaldia: 19:30ean Nagore Laffageri buruzko hitzaldia eta dokumentala izango da San Fermin peñan.
Larunbata, uztailak 2
10:00 Eskulangintza-azoka San Frantzisko enparantzan
10:30 Hamaiketakoa Los de Bronce peñan
12:00 Txaranga alde zaharretik
14:30 Santa Ana enparantzan, bazkaria
17:00 Dantzagarriak Santa Ana enparantzan
17:00 Jaialdia La Mecan
19:00 Santa Ana enparatzatik kalejira
20:00 Peñen pankarteen aukezpena San Frantzisko enparantzan
22:30 Dantzaldia Santa Ana enparantzan
