Trafiko istripu larria izan da gaur goizean Castejonen (Nafarroa), AP-15 autobidean. 09:40an, auto bat beste bat aurreratzen hasi da, baina gidariak ibilgailuaren kontrola galdu du, errepidetik atera da, eta autoa irauli egin da. Bi pertsona zihoazen ibilgailuan, eta larrialdi zerbitzuek barruan harrapatuta aurkitu dituzte. Haietako bat hil egin da: 28 urteko gizonezko bat, Tuterakoa (Nafarroa); bestea, berriz, zaurituta eraman dute erietxera. Suhiltzaileak eta Foruzaingoa zer gertatu den ikertzen ari dira.
Gaurkoarekin 45 dira Nafarroan aurten trafiko istripuz hildakoak.
