Arratsaldean, 75 urteko emakume bat hil eta beste bi pertsona zauritu dira N-121-A errepideko 68.3 kilometroan, Beran (Nafarroa), lau ibilgailuk talka egin dutela eta. SOS Nafarroa 112 Larrialdiak Kudeatzeko Zentroak 16:14an izan du istripuaren berri. SOS Deiak zerbitzuarekin jarri da harremanetan, inguruko suhiltzaileak, oinarrizko bizi euskarriko anbulantziak eta Foruzaingoaren eta Guardia Zibilaren patruilak bertaratu zitezen. Hala ere, larrialdi zerbitzuek ezin izan dute ezer egin 75 urteko emakumea suspertzeko.
SOS Deiek mobilizatutako larrialdi zerbitzuek Irungo eta Donostiako ospitaleetara eraman dituzte bi zaurituak. Bitartean, Guardia Zibila zirkulazioa antolatzen aritu da. Istripua zergatik gertatu den ikertzen ari dira.
