Trafiko istripua gertatu da bart Erriberagoitian (Araba), AP-68 errepideko 53. kilometroan, eta, horren ondorioz, gizonezko bat hil da.
Ertzaintzak zabaldu duenez, 21:50ean jazo da ezbeharra: auto bat errepidetik atera da, eta bi noranzkoak bereizten dituen erdibitzailea jo du.
Anbulantzia bat heldu da bertara, baina gizonezkoa hilda zegoela baieztatu dute.
Errepidea etenda izan dute bi noranzkoetan, baina zabaldu egin dute gero.
