Presoei elkartasuna eta babesa agertzeko hamaika modu

Herrira-k deituta, hainbat ekitaldi egin zituzten atzo Azpeitian eta Zarautzen. Bi herrietan egun osoko programak prestatu zituzten. Zarautzen, giza kate bat egin zuten eguerdian malekoian, eta herri bazkariaren ondoren, hainbat tailer antolatu zituzten. Azpeitian, pedalei eraginez hasi zuten eguna. Arratsaldean, autobus bati tiraka jardun ziren, eta eguna afari batekin amaitu zuten. Gisa horretako ekitaldiak herri eta auzo guztietara zabaldu nahi dituzte, Herrira egunak egitasmoaren barnean.