Politika

PSE-EErekin akordioak lortzeko aukera baztertu du Erraztik

EAko presidente Begoña Erraztiren iduriko une honetan "pentsaezina" da PSE-EErekin akordioak lortzea, alderdi hori "espainiartasunaren islatzean murgilduta" dagoela uste baitu, eta, ondorioz, ez duela Eusko Legebiltzarrean ordezkatuta dauden herritarren gehiengoaren borondatea errespetatzen. Radio Euskadin egin ditu adierazpen horiek Erraztik, elkarrizketa batean.

2004ko urriaren 9a

13:20

Entzun 00:00:00 00:00:00

Hain zuzen ere, sozialistei kritika hori egiteaz gain, Eusko Legebiltzarreko hurrengo legegintzaldia garrantzitsua izango dela nabarmendu du EAko presidenteak elkarrizketa berean. Izan ere, legegintzaldi honetan Jaurlaritzaren Estatutu proposamena Legebiltzarrean bozkatu ostean, hurrengoa egitasmo hori berrestekoa izango dela uste du Erraztik: "beraz, boto emaileen gehiengoak zer nahi duen ikustekoa".

Prozesu horrekin batera ETAk "beste bide baten hautua" egiten badu, egungoa baino "eszenatoki hobeak" sortuko direla iritzi dio Erraztik.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak