Patxi Lopez Eusko Jaurlaritzako lehendakariaren esanetan, PSE-EE eta PPren arteko itunaren osasuna «izugarri ona» da. Joseba Egibarrek akordio hori amaitzear dela esan izanari erantzun dio horrela lehendakariak: «Itunaren osasuna oso ona da, nire osasuna bezala. Izugarri ona».
PPk Araba, Bizkaia eta Gipuzkoan duen presidentea, Antonio Basagoiti, ez da akordioaren egoerari buruz mintzatu. Nahiago izan du ETAren aurkako borrokan jarraitu beharraz aritu. «Ez da Alderdi Popularraren eta Alderdi Sozialistaren arteko liskarrak bilatzeko unea; ETAren aurkako borroka amaitzeko garaia da, ETAri garaitzekoa»,erantzun dio harremanei buruzko galderari.
PSE-PP ituna «osasuntsu» dagoela dio Patxi Lopezek
Iruzkinak
Ez dago iruzkinik
Ordenatu
