Politika

PSEk protesta egin du Legebiltzarrean "euskaldunen borondatea" ez dela errespetatzen esanez

Eusko Legebiltzarrean protesta egin dute gaur PSE-EEkoek, atzo gertatutakoaren aurrean. "Legebiltzar honetan ez da euskaldunen borondatea errespetatzean" zioten afixak atera dituzte legebiltzarkideek. Izan ere, atzo onartu egin ziren hirukoak proposatutako aurrekontuak, PSE-EEko legebiltzarkide batek botoa eman ez zuelako. Akats teknikoa izan zen PSE-EEren iritzian, baina giza akatsa izan zela esanez ari da hirukoa.

2004ko abenduaren 29a

11:59

Entzun 00:00:00 00:00:00

PSE-EEren iritzian, aurrekontuen bozketa berriz egin beharko litzateke, izan ere, akatsa teknikoa izan zela diote. Eusko Legebiltzarreko lehendakari Juan Maria Atutxak besterik erabaki zuen, ordea: bozketa ontzat eman zuen. Akatsa teknikoa izatekotan, derrigorrezkoa da bozketa errepikatzea, baina giza akatsa izateraz ere, Atutxak badu bozketa errepikatzeko aukera. Hala ere, bozketa ontzat eman, eta aurrekontuak onartuta geratu ziren.

PSE-EEk "iruzur elektronikoa" salatu zuen, eta bozketa berriz egiteko helegitea jarriko dute. Mementuz, beraien desadostasuna azaltzeari ekin diote, gaurko bilkuran afitxak erakutsiz.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak