Politika

PSOEk "ETAren amaiera itzulezina" kudeatzeko ardura duela uste du Erkorekak

Espainiako Kongresuko EAJren bozeramaile Josu Erkorekaren iduriko, "ETAren amaiera itzulezina" kudeatzeko ardura du une honetan Espainiako Gobernu sozialistak. Hain zuzen ere, ETAren buruzagitzako kideen kontrako operazioaren ondoren "momentu garrantzitsua" bizi dela uste du Erkorekak, eta PSOEren egitekoa dela aukera hori "era inteligentean" kudeatzea ETAren jardun armatua behin betiko amaiarazteko. Hori lortzeko, bide poliziala ez ezik "konbentzitzeko saioak" egin behar direla iritzi dio.

2004ko urriaren 11
14:44
Entzun
Espainiako 'Efe' albiste agentziari egin dizkio adierazpen horiek Erkorekak. EAJren Espainiako Kongresuko bozeramailearen arabera, PSOEren ardura da egungo egoera "era inteligentean" kudatzea, eta hartara atzera bueltarik gabe ETAren amaiera lortzea.

ETAren behin betiko amaiera "konbentzimenduaren" bidetik etorriko dela uste du Erkorekak, eta ez aukera polizial hutsetik, eta, beraz, "limurtze saioak" egin beharko lituzkeela Espainiako Gobernu sozialistak.
Iruzkinak
Ez dago iruzkinik

Ordenatu
0/500
Interesgarria izango zaizu
Nabarmenduak
Orain, aldi berria dator. Zure aldia. 2025erako 3.000 babesle berri behar ditugu iragana eta geroa orainaldian kontatzeko.