Ramon Gonzalez katedradunak NUPeko errektore kargua hartu du berriro

IRUÑEA. Seinalearen Teorian eta Komunikazioetan katedradun Ramon Gonzalez berriro hautatu zuten NUPeko errektore asteartean, eta kargua hartu zuen atzo. Kargu hartzeko ekitaldian, unibertsitateen foru legeak zeri bide eman beharko liokeen aipatu zuen Gonzalezek. Lege «berritzailea» nahiko luke, NUPen hazkundea «errazteko». Foru lege horrek «motor» rola jokatzea nahi du errektoreak, Nafarroako Unibertsitate Publikoaren garapenerako. Maria Txibite Nafarroako Gobernuko jarduneko presidentea eta Iruñeko jarduneko alkate Enrique Maia izan dira mezu horren entzuleetako batzuk.