Sakana utzikeria jasaten ari dela salatu dute kalean

IRUÑEA. Krisi ekonomikoa Sakana egoera larrian jartzen ari dela salatu zuten atzo ehunka pertsonak, Iruñean, manifestazioan. Enpresak pixkana-pixkana ixten ari direla nabarmendu zuten; azkena, asteon bertan: Arfe enpresak langileei jakinarazi die ateak itxiko dituela eta 157 langileak kalean geratuko direla. Nafarroako Gobernuak eskualdea «utzita» daukala salatu dute. Krisi mahai bat sortzearen alde egin dute, egungo egoera nola konpondu aztertzeko.