Azken orduetan ere indarkeria matxistako zenbait kasu gertatu dira. Azpeitian (Gipuzkoa), salatu dute gizon bat adin txikikoak grabatzen eta behatzen aritu dela estali gabeko igerilekuetan. Igerilekuko sorosleek eta Urola Erdialdeko Itaiak egin dute salaketa, sare sozialetan.
Horrez gainera, Gasteizko Udalak jakinarazi du 27 urteko gizonezko bat atxilotu zutela herenegun, bortxa matxista egotzita; azaldu dutenez, bikotekide ohiari eraso egin zion kalean. Emakumeak ziurtatu zuen aurrez ere mehatxu egin izan diola.
