Sanferminetan Runako parkean jai gunea jartzeko baimena jaso du Gora Iruñeak

IRUÑEA. Iaz bezala aurten ere, Runako parkean izango da Gora Iruñearen jai gunea. Udalak lehiaketa bat abiatu zuen, baina hutsik geratu zenez, espero izatekoa zen Gora Iruñea taldeak laster jasotzea baimena. Plataformako kideak ez ziren seguru, ordea, eta atzo jaso zuten baimen ofiziala. Sanferminetan jai gunea bertan jarriko dute, beraz, uztailaren 6tik 14ra bitartean. «Jai herrikoi, parte hartzaile, parekide eta euskaldunak» antolatu nahi dituzte Runako parkean.