"Euskal Herriak bizi duen zapalkuntza eta gure bizitzako egunerekotasunean, alor guztietan jasaten dugun ukazio eta inposaketari aurre egin eta Euskal Herria eraikitzeko ezinbesteko lanabesa da intsumisioa" Segiren iritzian. Esan dutenez, "euskal gazteriak intsumitu besterik ezin du egin inposaketa eta ukazioaren aurrean".
Horregaitik, intsumisioaren aldeko kanpaina abiatu dute.
Azaroaren 11n intsumisioa eguna egingo dute. Lanuzteak, geldialdiak eta mobilizazioak egingo dituztela iragarri dute.
Abenduan ere mobilizazioak egingo dituzte. 6,7 eta 8an herri eskolak egitea proposatu dute, eta 3an mobilizazioak egingo dituzte.
Intsumisioa
Segik euskal naziotasunaren aldeko dinamika abiatuko du
Gaur batzar irekia egin du Segik Leioako campusean, "intsumisioaren ezinbestekotasunaz hausnartu eta eztabaidatzeko". Izan ere, intsumisioaren aldeko kanpaina abiatu dute abendura bitartean, 'Ez gara frantsesak eta ez espainolak. Euskaldunak gara eta kitto' goiburupean. Kanpainak bi oinarri dituela jakinarazi dute, naziotasuna bat eta lurraldetasuna bestea. Unibertsitateko txartelean EHNAren zenbakia jasotzearen aldeko kanpaina egingo dute, besteak beste. Herriz herri eta auzoz auzo batzarrak egingo dituzte.
Iruzkinak
Ez dago iruzkinik
Ordenatu
