Iruñean aurkeztu ditu Batasunakk mintzakide taldeko sei kideak. Hiru irizpide erabili dituzte sei lagun horiek aukeratzeko: batetik lurraldetasuna. Hau da, Euskal Herri osoko ikuspegia batu nahi izan dute talde horretan. Hala, Etxeberria eta Otegi gipuzkoarrak dira; Urabaien eta Santesteban nafarrak; Dañobeitia bizkaitarra eta Larralde lapurtarra.
Bestetik, "esperientzia eta gaztetasuna" uztartzeko ahalegina egin dute, eta horregatik adin eta bizipen desberdinetako jendeak osatzen du taldea. Azkenik, generoaren irizpidea aplikatu dute: hiru emakumezko eta hiru gizonezko.
Beren mintzakide taldea aurkezteaz gain, Batasunak dei egin die gainerako indar politikoei haiek ere beren negoziatzaileak izenda ditzaten, hala elkarrizketa prozesua abiatzeko. Izan ere, berriro ohartarazi dute "osoa ez bada" ez dela prozesurik izango.
Politika
Sei laguneko mintzakide taldea izendatu du Batasunak, "prozesu politikoa abiarazteko"
Arantxa Santesteban, Xabi Larralde, Elena Urabaien, Arnaldo Otegi, Olatz Dañobeitia eta Rufi Etxeberria [argazkian] izendatu ditu Batasuneko Mahai Mazionalak mintzakide taldeko kide, eta prozesu politikoa abiarazteko ardura eman die. Sei lagun horiek izango dira osterantzeko indar politikoekin harremanak izan eta bideratuko dituztenak. Ildo horretatik, beren mintzakideak zehazteko eskatu die Batasunak beste alderdiei, eta "osoa ez bada" ez dela prozesurik izango berretsi du.
Iruzkinak
Ez dago iruzkinik
Ordenatu
