Sei urteko zigorra, emakume bat labanaz sastakatzeagatik

DONOSTIA. Andre bat hiltzen saiatzea egotzita, sei urteko kartzela zigorra ezarri dio Gipuzkoako Lurralde Auzitegiak gizon bati. Halaber, 45.100 euroko kalte-ordaina eman beharko dio biktimari. Erasoa 2008an gertatu zen, Alegian (Gipuzkoa). Emakumearekin ordaindutako sexu harremana izan ostean, gizonak, andreari masaje bat ematean, labanarekin eraso zion, «hiltzeko xedearekin», epaiak dioenez.