Sexismorik gabeko bestak eskatu ditu Iruñean egindako elkarretaratzeak

IRUÑEA. Karrikan salatu dituzte sanferminei buruzko hainbat enpresak egindako iragarki sexistak. Elkarretaratzea egin zuten atzo, Iruñean, Emakumearen Udal Kontseiluak eta Sanferminak Berdintasunean taldeak deituta. Herritarrekin batera, udaletxeko alderdi guztietako hainbat ordezkarik ere parte hartu zuten protestan. Eraso sexistarik gabeko besten alde egin zuten, Udaletxe plazan.