Sexu eraso bat egin diote 94 urteko emakume bati

94 urteko emakume baten etxera sartu eta eraso egin zion gizon batek, larunbatean. Goizaldeko bostak aldera gertatu zen, Miarritzen (Lapurdi). Emakumea bortxatu ondoren, gizonak alde egin zuen, eta larrialdi zerbitzuei deitu zien emakumeak. Ospitalera eraman zuten. Erasotzailearen bila ari da oraindik polizia. Jakinarazi dutenez, ez dago erasotzailea eraikinean indarrez sartu izanaren arrastrorik. Etxea alarma sistema batez babesturik bazegoen ere, alarmak ez zuen jo.