Nafarroaren eguna iragan apirilaren 30ean egin zuten, Baigorrin, eta emazte batek sexu eraso bat pairatu zuen egun hartan. Basaizea elkartearengana jo zuen handik zenbait egunetara. Bestatik urrundua zelarik egin zioten eraso. Atzo goizean, 200 lagun bildu ziren Baigorrin Erasorik ez erantzunik gabe lelopean. Biktimari sostengu osoa helarazi zioten, Nafarroaren egunean egindako ibilbide bera eginez: «Nafarroaren egunean musikari eta ziganteen gibeletik genbiltzanok haserrez egin dugu bide bera».
Ortuellan, atxiloketa bat
Atzo Eusko Jaurlaritzako Segurtasun Sailak jakinarazi zuen goizaldean gizonezko bat atxilotu zutela Ortuellan (Bizkaia) emakume bati sexu erasoa egitea leporatuta. Herriko jaiak ospatzen ari dira egunotan Ortuellan, eta festa gunean izan da erasoa. Gizonezkoa atxiloaldian dago, eta epailearen aitzinetik pasatuko da.
Ortuellako Udalak erasoa salatu du ohar batean, eta elkarretaratze batera deitu du gaurko, 18:00etan, Otxartaga plazan.
Sexu eraso bat salatzeko manifestazioa egin dute Baigorrin
Iruzkinak
Ez dago iruzkinik
Ordenatu
