Sorginenea, Gasteizko andreen etxea

Gasteizko Etxanobe etxeak izen berria du atzotik: Sorginenea da. Hiriko emakumeen etxea da, eta atzo egun beteko egitaraua izan zuten, espazio berriko martxa abian jartzeko: goizeko hamaiketatik gaueko hamaiketara arte. Haurrentzako tailerrak, musika, antzerkia eta festa giroko ekitaldiak izan ziren. Gasteizko emakumeen etxea egia bihurtu da! Zatozte ospatzera! leloa hautatu zuten, eta, ororen gainetik, etxea ezagutaraztea zuten helburu, hemendik aurrera haren abaroan sareak ehuntzen jarraitzeko.