Soziolinguista aitzindariari aitortza

Maria Jose Azurmendik soziolinguistikan egindako ibilbide luze eta aitzindariak aitortza jaso zuen atzo iluntzean: Eusko Ikaskuntzaren Manuel Lekuona saria jaso zuen, Miramar Jauregian, goraino betetako aretoan. Akademiatik euskararen normalizazioaren alde egin izana goratu zuten. Besteak beste, EHUko Psikologia Fakultatean irakasle eta euskara dekanorde izan zen, eta horko katedraduna ere bada. 2000. urtean Soziolinguistika Klusterraren sorreran parte hartu zuen, eta Bat soziolinguistika aldizkaria ere zuzendu zuen.