Nafarroako larrialdi zerbitzuetako kideak Sunbillako (Malerreka, Nafarroa) 79 urteko gizon baten bila dabiltza. Familiak jakinarazi duenez, gizonezkoa bakarrik bizi da baserri batean. Igandean berarekin egon zirela adierazi dute, baina atzo ez omen zegoen etxean. Desagerketa salatu eta atzo arratsaldean hasi zituzten bilaketa lanak.
Gaur, goizetik hasita, Sunbilla herriaren inguruak aztertzen ari dira Foruzaingoa, suhiltzaileak eta helikoptero bat.
