Sute txiki bat izan da gaur arratsaldean Zubietako erraustegian (Donostia). Gipuzkoako Foru Aldundiko Jasangarritasun Departamentuak BERRIAri azaldu dionez, kamioietatik tamaina handiko zaborrak botatzeko eremuan su hartu du elementu batek —aztertzen ari dira zerk—. Haien hitzetan, momentuan bertan itzali dute, eta «protokoloak hala agintzen duelako» deitu diete suhiltzaileei.
Oraingoz, ez dute gertatutakoaren inguruko xehetasun gehiagorik eman, baina laster ateratzekoak dira ohar bat, nondik norakoak xeheago azaltzeko.
Bideo hau jaso berri dut Zubietako errauste plantatik! Eta izua, kezka eta haserrea baino ezin ditut sentitu. Zer gertatzen ari da? Ze kontrol mekanismo ditu planta horrek? Informazio argia eta gardena behar dugu inguruko erakunde eta herritarrok! pic.twitter.com/aTBl68z2qI
— Agurtzane Solaberrieta (@AgurtzaneSola) October 11, 2025
