Sutea izan da Gasteizko parte zaharreko ganbara batean, eta ke handia eragin du

Gasteizen Aiztogile kaleko 64. zenbakiko eraikinean sutea izan da gaur goizean, ganbara batean, baina ez da kalte pertsonalik gertatu. Hamabi familia aterarazi dituzte eraikinetik.

11:20an jaso dute ezbeharraren abisua hiriburuko suhiltzaileek, eta joan direnerako sekulako kea zegoen zabalduta parte zaharrean -haizeak ahalbidetu du, hein handi batean-; kea, esaterako, Udaletxe eta Ama Zuriaren plazetaraino iritsi da.