Gizonezko bat hil dute tiroz jota Azpeitian (Gipuzkoa). Ertzaintzak BERRIAri baieztatu dionez, suzko arma batekin tiro egin diote, eta ikerketa zabalik daukate. Oraindik ez dute tiro egin duen pertsona aurkitu, ihes egin baitu.
Azpeitia Guka hedabidearen arabera, 20:15 aldera izan da tiroketa, eta gizonezko bat larri zauritu dute. Lekukoek jakinarazi dietenez, auto batek beste bat jo du atzetik, eta, gero, jotako autoan zihoanari tiro egin dio atzeko autokoak. Gero, ihes egin du. Larrialdi zerbitzuak zauritutako gizona suspertzen ahalegindu dira, baina, azkenean, hil egin da.
