Idi bat aske geratu zen atzo Laudion (Araba). Zumalakarregi etorbideko 60. zenbakiaren parean dagoen aparkalekuko autoen artean ibili zen, eta, ganaduzalea zein Ertzaintza hura kontrolpean hartzen saiatu ziren arren, ezin izan zuten. Aparkalekutik ihes egin, eta herrian barna ibili zen. Azkenean, tiro egin eta hil egin zuten, herriko plazaren aldamenean.
Askekintzak salatu egin du animaliari tiro egin eta hiltzea: "Atzo argi ikusi zen animaliek agentzia dutela, eta guk kontrolatu nahian edozer egiten dugu".
