Tratu txarrak egotzita, gizon bat atxilotu dute Andoainen

ANDOAIN. Ertzaintzak 37 urteko gizon bat atzeman du Andoainen (Gipuzkoa), bikotekideari eraso egitea leporatuta. Eusko Jaurlaritzako Herrizaingo Sailak berri eman duenez, atxilotuak dirua eskatu zion biktimari, eta mehatxuka hasi zitzaion. Andrea ihes egiten saiatu zen, baina ustez gizonak heldu eta eskaileretatik bota zuen. Andoaingo Udalak gertatutakoa salatu du.