Espero bezala, Maria Txibite hautatu dute berriz ere PSNko idazkari nagusi kargurako. Harena zen hautagaitza bakarra, eta kongresuan parte hartu duten ordezkarien %82, 75ek eman diote babesa.
Antolakuntza idazkaritzan izan da aldaketa bat: Ramon Alzorriz hautatu dute Antolakuntza idazkari. Burlatako zinegotzia da Alzorriz, eta Santos Cerdanen lekua hartuko du.
Txibite 2014an hautatu zuten alderdiko idazkari nagusi, eta bera izan zen PSNren presidentegaia 2015eko foru hauteskundeetan.
