Atzo eguerdian izan zen ezbeharra. Txirrindularia lehengusu batekin zihoan, eta hark dei egin zien sokorriei. Mendiko sokorri zerbitzua eta Jendarmeriaren helikoptero bat joan ziren Iratiko bidera, Burdinkurutxetako lepotik beheiti erori zen 29 urteko txirrindularia artatzeko. Sokorriak txirrindularia suspertzen saiatu ziren, baina hortik gutira hil zen.
Ici Pays Basque irratiak zehaztu du bidetik beheiti joan zen txirrindularia bakantzak pasatzera jina zela inguru horretara. Bertzalde, azpimarratu du D18 bidea, hots, Donazaharre (Nafarroa Beherea) eta Irati lotzen dituena «aski lanjerosa» dela, mendigunean ez baitu segurtasun hesirik.
