Txus Martin Basauriko euskal presoaren senide eta lagunek deituta, martxa bat egin dute hainbat herritarrek Zaballako kartzelaraino (Araba). Espetxe horretan dago bakartua Martin. 2011n nahasmendu psikoafektiboa diagnostikatu zioten, eta, hori dela eta, haren askatasuna exijitu dute kartzela aurrean batutakoek. Basauriko festen hasierarekin batera egin dute Zaballarako martxa, "herriak bere jaietan Txus Martin libre nahi duela" aldarrikatzeko.
Basauriko presoaren egoera salatzearekin batera, gaixo dauden gainerako euskal presoen askatasuna ere eskatu dute. Egun, orotara hamar euskal preso daude gaixo.
