arrazakeria

Udaltzainak etorkin eta ijitoen aurka geroz eta zakarrago ari direla jokatzen salatu Nafarroako Sos Arrazakeriak

Udaltzainak etorkin eta ijitoen aurka geroz eta zakarrago jokatzen ari direla salatu du gaur Nafarroako Sos Arrazakeriak. Elkartean azaldu duenez, iaz hazi egin ziren arrazakeria kasuekin lotuta indar polizialen aurka jarritako salaketak. Batez ere udaltzaingoaren aurka jarritakoak azpimarratu dituzte, 2005a izan dela udaltzainen aurkako salaketak izan diren lehen urtea.

2006ko urtarrilaren 12a

17:48

Entzun 00:00:00 00:00:00

Etorkin eta ijitoek jipoiak jasan dituzte kasu batzuetan eta beste batzuetan mehatxuka aritu zaizkie Sos Arrazakeriak azaldu duenez. Etorkin nahiz ijitoek tratu iraingarria jasan dute batez ere dokumentazioa eskatzerakoan edota gainean zeramatzaten ondasunen inguruan galdetzerakoan. Besteak beste, borra elektrikoak erabili dituztela ere salatu dute.

Sos Arrazakeriak harriduraz hartu ditu azken garaietan Iruñeko udaltzainen aurka entzuten dituzten salaketak. Gaur, denen aurrean salatu nahi izan du elkarteak geroz eta sarriago gertatzen den jarrera diskriminatzailea.

Aukeratu BERRIA gogoko iturri gisa Googlen. Aktibatu hemen

Iruzkinak

Ez dago iruzkinik

Ordenatu

Gehien irakurriak