Udaltzainak Iruñeko Gaztetxean egiten ari ziren miaketa amaitu dute, eta ez dute ezer topatu

Iruñeko udaltzainak Alde Zaharreko Gaztetxea miatzen aritu dira goizean zehar. Goizeko hamaikak aldera amaitu dute miaketa, eta udaltzainak esku hutsik atera dira Gaztetxetik. Berria.info-k jakin ahal izan duenez, gaur goizeko bederatziak aldera udaltzainak hurbildu dira Iruñeko Gaztetxearen aintzinera, lapurreta bat egon dela eta ostutako gauzak Gaztetxearen barrenean zeudela esanez. Gaztetxeko kideek horrelakorik ez dutela egin adierazi diete udaltzanei, baina horiek agindu judizial batekin hurbildu dira handik minutu batzuetara. Gaztetxeko kide batek Euskadi irratian adierazi duenez, inguruko eliza bateko aulkien bila sartu dira udaltzainak.