Ermuko Foroak manifestaziorako hasieran prestatutako agirian foru erregimena kritikatzen zuen, eta, ondorioz, Nafarroako alderdi bakar batek ere zuen bat egin deialdiarekin. Ika-mika zela eta, agiriaren jendaurreko irakurketan foruei buruzko aipamen hori ez egitea erabaki zuten antolatzaileek, baina aldaketa egin arren, ez du ofizialk inongo alderdiren atxikimendurik lortu.
Hala ere, UPNk izan du ordezkaritza Ermuko Foroak Espainiaren batasunaren alde egindako ekitaldian: besteak beste, Juan Ramon Corpas Nafarroako Gobernuko Kultura kontseilariak parte hatu du, eta Jaime Ignacio del Burgo UPNko diputatuak parte hartu ez ezik, manifestazio amaierako ekitaldian hitzaldia egin du.
Ermuko Foroaren izenean Mikel Azurmendi eta Mikel Buesa mintzatu dira, eta Espaniaren batasunak Konstituzioaren bidez "askatasuna eta berdintasuna" bermatzen dituela aldarrikatu dute. Carmen Gurrutxaga kazetariak egin ditu aurkezle lanak.
Politika
Udaltzaingoaren arabera, 2.300 lagunek parte hartu dute Ermuko Foroak antolatuta Iruñean egin den manifestazioan
Ermuko Foroak antolatuta Iruñean "Espainiaren batasunaren alde" egin den manifestazioan 2.300 lagun inguruk parte hartu dute, Udaltzaingoaren zein Espainiako Gobernuaren Nafarroako Ordezkaritzaren zenbaketaren arabera. Nafarroako alderdi bakar batek ere ez du manifestazio horrekin bat egin aldarrikapenen artean foruen aurkakoak zeudelako. Hala ere, Nafarroako Gobernuko Kultura Kontseilari Juan Ramon Corpasek (UPN) parte hartu du manifestazioan, eta baita Espainiako Kongresuan UPNko diputatu den Jaime Ignacion del Burgok ere.
Iruzkinak
Ez dago iruzkinik
Ordenatu
