UEU Udako Euskal Unibertsitateak ere babestu du Geure oinarrietatik manifestua. Kepa Sarasola lehendakariak eta Ane Sarasua idazkari nagusiak bilera egin dute Martxelo Otamendi BERRIAko zuzendariarekin, Beatriz Zabalondo BERRIA Taldeko lehendakariarekin eta Iban Arregi kontseilari ordezkariarekin. UEUk konpromisoa hartu du, gainera, bere eremuan BERRIAlagunak lortzeko kanpaina burutzeko.
[YouTube]https://youtu.be/yaYbrrc4dgY[/Youtube]
Manifestua abenduaren 1ean aurkeztu zuten euskal kulturako eta hezkuntzako hemezortzi lagun ezagunek, eta BERRIA Berri taldea osatu zuten. Ekainean hamabost urte beteko ditu BERRIAk, eta urteurrenaren harira beste jauzi bat eman nahi BERRIAlagun berrien bultzadarekin, egitasmoak aurrera egin dezan ziurtatzeko. Herritarren eta administrazioaren "konpromisoa" eskatu dute horretarako.
