Unibertsitateari emana bizitza

Ricardo Etxepare irakasle eta EHU Euskal Herriko Unibertsitateko udako ikastaroetako zuzendari ohia (Irun, Gipuzkoa, 1948) hil zen atzo, Irunen. Haren ibilbidea batez ere unibertsitateari lotua egon da: EHUko katedraduna, Donostiako Ingeniaritza Eskolako zuzendaria eta EHUko udako ikastaroetako zuzendaria izan zen. Donostiako Udalak Urrezko Danborra eman zion 2002an. Politikan ere aritu zen, EAJrekin: Gipuzkoako Kultura diputatua eta legebiltzarkidea izan zen.