UPNren eta PPren zatiketaren ondorengo lehen inkesta plazaratu dute gaur -Diario de Navarra- egunkariak egindakoa-, eta, horren arabera, UPNk irabaziko lituzke Nafarroako Parlamenturako hauteskundeak, azkenaldian bezala. Hala ere, 2007ko foru hauteskundeen aldean bost diputatu galduko lituzke: 22tik 17ra jaitsiko litzateke.
PSNk parlamentari bat irabaziko luke -12tik 13ra-, Nafarroa Bai koalizioak (EA, Aralar, EAJ, Batzarre) gaurko 12ei eutsiko lieke, PPk bost eskuratuko lituzke, IUk gaurko biekin segituko luke eta CDNk bat galduko luke -2tik 1era-.
CIES enpresak egin du aipatutako egunkariarentzat inkesta, eta ezker abertzaleak zenbat diputatu izango lituzkeen ez du jakinarazi. EAE-ANV baliogabetu egin zuten 2007ko hauteskundeetarako, eta alderdi hark esan zuen 18.000 boto lortu zituela bozetan.
Nafarroa
UPNk irabaziko lituzke hauteskundeak, gaur baino bost diputatu gutxiago lortuta
PP alderdi berriak bost parlamentari lortuko lituzke, PSNk iazko bozen aldean bat irabaziko luke (hamahirurekin geratuko litzateke) eta CDNk bat galdu (bat). Nafarroa Bai (hamabi) eta IU (bi) berdin geratuko lirateke. Ezker abertzalearen daturik ez dute eman.
Iruzkinak
Ez dago iruzkinik
Ordenatu
