Aralarren iduriko, UPNk Barañaingo,Lizarrako, Tafallako, Zangozako eta Korellako alkate sozialista berrien aurka agertu duen jarrera ikusita, eta harekin koherentea balitz, Rafael Gurreak dimititu beste aukerarik ez luke izango beren botoa jaso ostean. Izan ere, alderdi abertzaleen botoa jasotze hutsagatik, alkate horien guztien dimisioa eskatu du UPNk, "independentistekin itunak egitea" eta "Espainiako Konstituzioaren aldeko hitzarmena" urratzea leporatubaitie.
Rafael Gurrea Nafarroako Parlamenturako UPNren hautagaiak aldeko 28 boto jaso ditu (UPNren 23, CDNren 4 eta Aralarren bat), eta 22 boto zuri (PSNren 11, IUeren 4 eta Aralarren 3).
Presidenteordetzarako bozketan beren botoetako bi PSNko hautagaiari ematekoasmoa du Aralarrek, hartara, instituzio horretan ere abertzaleen babesa jaso beste aukerarik ez dutela izan nabarmen uzteko.
Parlamentuko idazkaritzarako, berriz, Felix Taberna Nafarroako EB-IUko hautagai Felix Tabernak Aralarreko lau ordezkarien botoak jasoko ditu: "boto horien bidez, pluralismoa defenditzeko ahalegina egiten duten alderdiei haiengandik hurbil eta laguntzeko prest gaudela adierazi nahi diegu", agertu du Aralarrek prentsa ohar baten bidez.
Nafarroako Parlamentuaren eraketa
UPNko hautagaiaren alde bozkatu du Aralarrek haren dimisioa behartzeko
Ezustean, Aralar alderdiak Nafarroak Parlamentuan dituen lau ordezkarietako baten botoa jaso du UPNk instituzio horren lehendakaritzarako aurkeztutako hautagai Rafael Gurreak. Patxi Zabaleta Aralarreko buruzagi eta parlamentarioak azaldu duenez, Gurrearen dimisioa behartzeko bozkatu dute haren alde. Izan ere, joan den larunbatean Nafarroako bost herritako alkatetza alderdi abertzaleen botoei esker lortu zuten PSNko hautagaien dimisioa eskatu du UPNk.
Iruzkinak
Ez dago iruzkinik
Ordenatu
