"Pentsatzen dut Frantziako Poliziak gertatu dena ondo jasoa izatea. Atxiloketaren bat egiteko unea ez da ekitaldia bera, zaila izan daitekeelako, baina hurrengo egunetan antolatzaileen edo parte hartu duten batzuen kontra ondorioren bat egon beharko luke", esan zuen atzo Urkijok irrati batean egin zioten elkarrizketan.
Eskaera zuzenean egin zion Frantziako Gobernuari Urkijok. "Espainian auziak irekiak dituztenek ez dute inpunitaterik izango", esan zuen, eta jarraian gaineratu zuen atxilotu egingo dituztela horiek, euren betebeharra delako eta biktimekin duten konpromisoa hori delako.
