'Urola Kostako Hitza' webgune berria estreinatzen

Urola Kostako Hitza-ren webgunea -papereko edizioa bezalaxe- jantzi berriz ageri da gaur, diseinua goitik beheraino aldatuta.

Baina azalean ez ezik, mamian ere egin dira aldaketak, eta eduki berriak eskaintzen ditu: besteak beste, blogak, bideoen gune bat, eta audioak biltzeko fonoteka izeneko beste bat.

Zenbait herritako informazioa jasotzeko iturrietan ere badago aldaketarik: Azpeitia, Urretxu, Zumarraga eta Zumaiko informazioa bertako herri aldizkarien webguneei lotuta jasoko da erabat. Hau da, esate baterako, webgunearen barruan 'Azpeitia' atala aukeratzen duena Uztarria.com-era joango da zuzenean. Kontrako noranzkoan, Uztarria Urola Kostako Hitza-ko albisteak sartzen hasiko da.