Urtaranen ustez, barkamena eskatu behar du Espainiak

Gasteizko alkate Gorka Urtaranek adierazi du estatuak «barkamena» eskatu beharko lukeela, Espainiako Gobernuak Martxoaren 3ko Biktimen Oroimenezko Zentroaren Fundazioko kide izateko. Radio Vitorian egindako elkarrizketan, Urtaranek adierazi du aztertu beharreko elementu bat dela Madrilek fundazioan parte hartzea, baina lehenik estatuak onartu behar duela 1976ko martxoaren 3an gertatutakoa «justifikatu gabea eta justifikatu ezina» izan zela.